♥️ కథ - 15 ♥️
అనుభూతి - జీవితంలో ఎదురయ్యే సవాళ్లను ధైర్యంగా ఎదుర్కొన్నందుకు నేను
కృతజ్ఞుడను
అభిరుచి
ఆలోచిద్దాం : జీవితంలో మనం ఎప్పుడైనా ఓడిపోతే, తిరిగి ఎలా పురోగమించాలి?
జీవితంలో కొత్త లక్ష్యాన్ని ఎలా ఏర్పరచుకోవాలి ?
దానిని ఎలా ఆచరణలో పెట్టి, సాధించుకోవాలి ?
స్పెయిన్ కు చెందిన 10 ఏళ్ల బాలుడు ఫుట్ బాల్ క్రీడాకారుడు కావాలని కలలు కన్నాడు.
తన తల్లిదండ్రుల వద్దకు వెళ్లి, "చూడండి, నేను ఒక రోజు స్పెయిన్ లో కెల్లా ఉత్తమ ఫుట్ బాల్ క్రీడాకారుడినవుతాను.
నాకు గోల్ కీపింగ్ ఇష్టం కాబట్టి నేను ఉత్తమ గోల్ కీపర్ని అవుతాను" అని చెప్పేవాడు.
తల్లిదండ్రులు అతని ఆత్మవిశ్వాసాన్నినమ్మి, ఒక శిక్షణా సంస్థలో చేర్చారు. అతను ఫుట్ బాల్ మైదానానికి వెళ్లడం ప్రారంభించాడు.
అక్కడ కూడా, తన కోచ్ తో, "చూడండి, ఏదో ఒక రోజు నేను స్పెయిన్ లో కెల్లా పెద్ద ఫుట్ బాల్ ఆటగాడిగా ఎదుగుతాను. రియల్ మాడ్రిడ్ ఒక పెద్ద ఫుట్ బాల్ క్లబ్, ఒక రోజు, నేను ఈ క్లబ్ కోసం గోల్ కీపింగ్ చేస్తాను." అని చెప్పేవాడు.
కోచ్ కూడా అతని కళ్ళలో మెరుపును చూడగలిగాడు, బాలుడికి శిక్షణ ఇవ్వడంలో తన వంతు కృషి చేశాడు.
కాలం గడిచిపోయింది, ఆ 10 ఏళ్ల బాలుడు 20 సంవత్సరాల కుర్రవాడు అయ్యాడు. ఈ 10 సంవత్సరాలలో, అతను అగ్రశ్రేణి ఆటలన్ని ఆడి, తన అసాధారణ ప్రతిభను ప్రదర్శించాడు. తన కలల జట్టు ఐన రియల్ మాడ్రిడ్ లో చేరాల్సిన రోజు దగ్గరపడుతోంది.
దురదృష్టవశాత్తు, ఆ రోజు రాకముందే, తన స్నేహితులతో కలిసి కారులో వెళుతుండగా ఘోర ప్రమాదానికి గురయ్యాడు. వెంటనే ఆసుపత్రికి తరలించారు.
అతని నడుము కింది భాగం పక్షవాతానికి గురైందని, ఫుట్ బాల్ ఆడటం ఏమిటి, అసలు అతను నడిచే అవకాశం కూడా లేదని డాక్టర్ తల్లిదండ్రులకు తెలియజేశాడు!
తల్లిదండ్రులు కన్నీరుమున్నీరయ్యారు. తమ బిడ్డ చిరకాల స్వప్నం అలా చెదిరిపోయిందన్న వాస్తవాన్ని వారు అంగీకరించలేకపోయారు!
వాళ్ళు ఆ పిల్లాడి దగ్గరకు వెళ్లి ఓదార్చి,“ బాబు, నీ ముందున్న జీవితం ఇకపై నీవు కోరుకున్నట్లు ఉండబోదు, కాబట్టి ధైర్యం తెచ్చుకో” అన్నారు.
డాక్టర్లు చెప్పిన విషయాన్ని ఆ కుర్రవానికి చెప్పగానే అతను ఒక్కసారిగా లోపల నుండి వణికిపోయాడు.
ఆ క్షణంలో, అత్యంత ప్రతిష్టాత్మకమైన తన కలను సాధించడానికి చేసిన ప్రయత్నాలన్నీ ఆవిరైపోయినట్లు అనిపించింది. ఈ వార్తతో అతను పూర్తిగా క్రుంగిపోయాడు.
ఆ తర్వాత 18 నెలలు ఆసుపత్రిలోనే ఉన్నాడు. ఆ సమయంలో అతడిని ఎన్ని ప్రతికూల ఆలోచనలు వెంటాడి ఉంటాయో ఊహించడం చాలా కష్టం!
కానీ ఆశ్చర్యకరంగా, తన అతను పరిస్థితులకు లొంగిపోలేదు, ఇంకా బలంగా వెనక్కితిరిగి రావాలని నిర్ణయించుకున్నాడు.
అతడికి వ్రాయడం పట్ల అభిరుచి ఉంది. అందువల్ల, పాటలు, కవిత్వం వ్రాయడం ద్వారా ఆసుపత్రిలో తన ఖాళీ సమయాన్ని సద్వినియోగం చేసుకోవడం ప్రారంభించాడు. అలాగే పాడటం కూడా మొదలుపెట్టాడు.
ఫలితంగా, అతని దృష్టి పూర్తిగా ఫుట్ బాల్ నుండి సంగీతం వైపుకు మళ్లింది.
అతను ఇప్పుడు సంగీతాన్ని అన్వేషించాలని , ఈ కొత్త రంగంలో అసాధారణమైనదాన్ని సాధించాలని కోరుకుంటున్నట్లు అనిపించింది.
ఒక్కసారి ఊహించుకోండి, ఆసుపత్రిలో ఒక కుర్రవాడు నూతన మార్గాల గురించి కలలు కంటున్నాడు, సంగీతంలో కొత్త అవకాశాల గురించి కలలు కంటున్నాడు! ఇది నమ్మశక్యం కాని విషయం!
ఐదేళ్ల తర్వాత ఒక పాటను కూడా విడుదల చేశాడు, అది చాలా ప్రాచుర్యాన్ని పొందింది.
ఆ పాట పేరు 'లైఫ్ గోస్ ఆన్ ద సేమ్'. (జీవితం అలానే సాగిపోతుంది) ఆ కుర్రవాడు స్పెయిన్ లో అత్యంత ప్రజాదరణ పొందిన గాయకులలో ఒకడు అయ్యాడు!
అతని పేరు *జూలియో అగ్లేజియస్ *, ఇది అతని యధార్థ కథ!
ఇప్పటివరకు, అతని ( ఆల్బంలు ) పాటలు 300 మిలియన్లకు పైగా అనేక భాషలలో అమ్ముడయ్యాయి.
నిజంగా, జూలియో అగ్లేజియస్ వంటి వ్యక్తులు విలువైన స్ఫూర్తి ప్రదాతలు.
అపజయమెదురైనా, దాని వెనుక విజయానికి మార్గం దాగి ఉంటుందనడానికి అతని జీవిత కథే నిదర్శనం. ఎప్పుడైనా మన కల ముగిసిపోతే, మరొక కొత్త కల కని, దాని కోసం కృషి చేయవచ్చు!
స్వీయ-అంగీకారం అనేది వ్యక్తిగత పరివర్తనకు అవసరమైన అత్యంత ముఖ్యమైన వైఖరి. 🌼
దాజీ
♾️
హార్ట్ ఫుల్ నెస్ ధ్యానం 💌
టేలిగ్రం గ్రూప్ జాయిన్ అవ్వడానికి ఈ క్రింది లింక్ ను షేర్ చేయగలరు.
https://t.me/+EP0P5o4HCztjYmRl
#heartfulness #hertfulnessstories #heartstories #dailyonestory #shortstories #daily1shortstory
#bedtimestories #bedstoriesforkids #storiesforbedtime #kidsstoriesatbedtime #bedtimekids
#dailyshortstories #storiesforkids #kidsstories #stories for children #childrenstories #good stories #shortstory #simplestory #simplestories #simple shortstories #goodstories #goodshortstories
#dailystories #telugushortstories #telugustories #telugustoriesforkids #supersimplestories
#supershortstories #newshort stories #newstoriesforkids #vintagestoriesforkids #oldshortstories
#oldstoreisforkids #oldkidsstories #vintagetelugustories #vintagetelugustoriesforkids #daaji #daajimaharaj #heartfulnesstelugustories #heartfulnessshortstories #hearfulnesstelugu
No comments:
Post a Comment